Лінкі ўнівэрсальнага доступу

Пасьля рэкорднага за чатыры гады падзеньня цэны на нафту падрасьлі на 5% 


Нафта, ілюстрацыйнае фота

17 сакавіка сусьветныя цэны на нафту выраслі на 5% пасьля рэкорднага за чатыры гады падзеньня, сведчаць дадзеныя таргоў.

Так, травеньскі ф’ючэрс на нафту маркі Brent паказаў рост на 5,2% і каштаваў 31,15 даляра за барэль. Цана на нафту WTI з тэрмінам пастаўкі ў траўні таксама вырасла практычна на аналягічны паказьнік — на 5,1% да 30,43 даляра за барэль.

Напярэдадні цана на нафту Brent апускалася ніжэй за 30 даляраў за барэль. Гэта стала самым моцным зьніжэньнем, пачынаючы са студзеня 2016 году.

Агулам ад пачатку гэтага году цэны на нафту зьнізіліся на 50%.

Беларусь дагэтуль ня мае нафтавых кантрактаў з Расеяй і набывае альтэрнатыўную сыравіну. Нафтаперапрацоўчыя заводы працуюць у палову тэхналягічнай загрузкі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG