Улады Казахстана абвясьцілі надзвычайнае становішча ў краіне з прычыны ўспышкі каранавірусу. Па апошніх дадзеных, колькасьць пацьверджаных выпадкаў каранавірусу тут вырасла да дзевяці.
Першых заражаных COVID-19 у краіне выявілі 13 сакавіка.
У Казахстане ўводзіцца агульнанацыянальны карантын, забараняецца ўезд і выезд з краіны для ўсіх, акрамя дыпляматаў і асобаў, запрошаных урадам.
Між тым, у суседнім Узбэкістане пацьвердзілі яшчэ пяць выпадкаў COVID-19. Агульная колькасьць інфікаваных у краіне складае 6. Узбэкістан таксама абвясьціў аб абмежавальных мерах, забараніўшы ўезд для ўсіх іншаземцаў і выезд мясцовых жыхароў.
Казахстан і Узбэкістан зьяўляюцца адзінымі краінамі Цэнтральнай Азіі, дзе афіцыйна зарэгістравалі выпадкі каранавіруснай інфэкцыі.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў