З 16 сакавіка па 14 красавіка Амбасада Латвіі ў Менску і генэральнае консульства Латвіі ў Віцебску ня будуць прымаць наведнікаў з прычыны пандэміі каранавірусу, вынікае з заявы латвійскага МЗС.
«З 16 сакавіка да 14 красавіка будуць працягваць забясьпечваць консульскую дапамогу ў надзвычайных сытуацыях, — паведамляе ведамства. — Заяўкі на атрыманьне віз будуць прымацца толькі ў бюро, якія аказваюць зьнешнія паслугі, акрамя выпадкаў, зьвязаных з інтарэсамі дзяржавы або гуманітарнымі прычынамі. Заяўкі на атрыманьне віду на жыхарства ў Латвіі прымацца ня будуць».
Спыніла выдачу віз і амбасада Чэхіі ў Менску.
«З 14 сакавіка 2020 года ва ўсіх дыпляматычных прадстаўніцтвах Чэскай Рэспублікі ўключна з візавымі цэнтрамі прыпыняецца прыём заяў на атрыманьне шэнгенскіх віз і доўгатэрміновых віз. Спыняецца разгляд заяў на шэнгенскія візы, па якіх яшчэ не было прынятае рашэньне. Консульскі збор не вяртаецца», — паведаміла амбасада.
Польскае консульства ў Берасьці заклікае наведнікаў адмяніць або перанесьці свой візіт, паведамляецца на сайце консульства.
Што трэба ведаць пра новы каранавірус COVID-19
- Невядомы раней вірус выявілі ў кітайскім горадзе Ўхань у сьнежні 2019 году.
- Афіцыйнай назвай хваробы ад новага каранавірусу з Кітаю стала COVID-19 (coronavirus disease).
- Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
- Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.
- Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
- Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг.
Найважнейшыя пытаньні і адказы пра каранавірус
Беларускія мэдыкі, якія загінулі падчас пандэміі COVID-19. СЬПІС ПАМЯЦІ