Cьледчы камітэт завяршыў расьсьледаваньне ў адносінах да чатырох менчукоў, якія выдавалі сябе за міліцыянтаў. Справу перадалі ў суд.
Летась у жніўні чацьвёра раней судзімых менчукоў выдалі сябе за міліцыянтаў і «затрымалі» дваіх мужчын і адну жанчыну ў лесе пад Менскам, паведамляе Сьледчы камітэт.
Пацярпелых трымалі некалькі гадзінаў, білі, забралі ў іх рэчы і грошы агулам на суму 1127 рублёў.
Раніцай ілжэміліцыянты адпусьцілі аднаго з пацярпелых, які і зьвярнуўся ў сапраўдную міліцыю.
Фальшывых міліцыянтаў затрымалі ў кватэры аднаго з пацярпелых. Іх будуць судзіць паводле трох артыкулаў Крымінальнага кодэксу.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў