Лінкі ўнівэрсальнага доступу

У Італіі пасажырскі цягнік сышоў з рэек: двое загінулых, 27 параненых

абноўлена

Паліцыя на месцы здарэньня

Раніцай 6 лютага ў італьянскай правінцыі Лодзі сышоў з рэек высакахуткасны цягнік Frecciarosa 9595, які рухаўся зь Міляну ў Салерна, некалькі вагонаў перакуліліся, паведамляе італьянскае інфармацыйнае агенцтва ANSA.

Цягнік, які выехаў зь Міляну ў 5 гадзін 10 хвілін раніцы, сышоў з рэек у правінцыі Лодзі праз 20 хвілінаў пасьля пачатку руху. Паводле Ansa, усяго ён перавозіў 28 пасажыраў.

У выніку здарэньня два чалавекі загінулі (машыніст і супрацоўнік чыгуначнай кампаніі), 27 пасажыраў атрымалі раненьні.

З 5.30 рух цягнікоў на хуткаснай лініі Мілан — Балоньня прыпынены. Усе цягнікі ў абодвух напрамках ішлі па звычайнай лініі Мілян П’ячэнца з затрымкай да 60 хвілін. Прычыны здарэньня высьвятляюцца. На месцы працуюць пажарныя каманды і машыны хуткай дапамогі.

Цягнікі Frecciarosa разьвіваюць хуткасьць да 300 кілямэтраў у гадзіну.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG