Вярхоўны суд Беларусі апублікаваў статыстыку аб пазбаўленьні бацькоўскіх правоў у 2019 годзе. Колькасьць выпадкаў пазбаўленьня зьменшылася за год, але нязначна.
За 2019 год у Беларусі:
- пазбавілі бацькоўскіх правоў 2674 чалавек (у 2018-м — 2856);
- зь іх 1013 жанчын (каля 38%) і 1661 мужчына (каля 62%);
- суды разгледзелі за год 2562 справы аб пазбаўленьні бацькоўскіх правоў, задаволілі патрабаваньні ў 2300 зь іх (амаль 90%);
- колькасьць дзяцей, чыіх бацькоў пазбавілі бацькоўскіх правоў, склала 3179 чалавек (у 2018-м — 3298), зь іх маладзей за 1 год — 251 чалавек, ад 2 да 3 — 374, ад 4 да 6 — 644, ад 7 да 10 — 790, ад 11 да 14 — 612, ад 15 да 17 — 508;
- аднавілі ў бацькоўскіх правах 138 чалавек (у 2018-м — 146).
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў