У пажары дома для людзей з разумовай недастатковасьцю ў мясцовасьці Вэйпрты ў паўночна-заходняй Чэхіі загінулі 8 чалавек, а трыццаць атрымалі зраненьні.
Пажар здарыўся раніцай 19 студзеня, яго прычына пакуль яшчэ ня высьветленая. Паводле вэб-рэсурсу iDnes, усе ахвяры пажару былі пацыентамі, з пэрсаналу ніхто не пацярпеў.
Чэскія СМІ таксама паведамляюць, што гэта другі па колькасьці сьмяротных ахвяраў пажар у краіне за апошнія 30 гадоў. У 2010 годзе ў Празе ў пажары будынку пад знос загінулі 9 бяздомных.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў