Лінкі ўнівэрсальнага доступу

Ва Ўкраіне прайшлі акцыі да 111-годзьдзя Сьцяпана Бандэры. ФОТА


З нагоды 111 гадоў з дня нараджэньня Сьцяпана Бандэры, аднаго з ідэолягаў і тэарэтыкаў украінскага нацыяналістычнага руху XX стагодзьдзя, ва Ўкраіне адбыліся шэсьці з паходнямі.

Каля тысячы чалавек прайшлі шэсьцем па цэнтры Кіева.

Смолоскипна хода до дня народження Степана Бандери – відео
пачакайце

No media source currently available

0:00 0:01:51 0:00

У Львове гадавіну адзначылі вечам каля помніка Бандэру.

«Я штогод сюды прыходжу, таму што Сьцяпан Бандэра — гэта правадыр украінскага народу, падняў Украіну, і яго шануе ўкраінскі народ. Гэта лідэр нацыі», — сказаў адзін з удзельнікаў веча.

Марш з паходнямі адбыўся таксама ў Дняпры.

Сьцяпан Бандэра нарадзіўся 1 студзеня 1909 году. Ён быў адным з аўтараў Акту аднаўленьня Ўкраінскай дзяржавы 30 чэрвеня 1941 году. 5 ліпеня 1941 году акупацыйная нямецкая адміністрацыя ўзяла яго пад хатні арышт. З восені 1941 году яго зьняволілі ў бэрлінскай турме, а з пачатку 1942 да жніўня 1944 году — у канцэнтрацыйным лягеры.

15 кастрычніка 1959 году ў Мюнхене Бандэру забіў стрэлам з цыяністым каліем савецкі агент Багдан Сташынскі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG