Лінкі ўнівэрсальнага доступу

Кліп гурту Nirvana набраў больш за 1 млрд праглядаў на YouTube


Лідэр гурту Nirvana Курт Кобэйн, Нью-Ёрк. 1993 год.

Колькасьць праглядаў кліпу гурту Nirvana на песьню Smells Like Teen Spirit на YouTube перавысіла 1 млрд, паведамляе БЕЛТА.

На афіцыйным канале гурту музычнае відэа, зьнятае ў 1991 годзе, было апублікавана 10 гадоў таму — 17 чэрвеня 2009 году. На дадзены момант відэа сабрала 5,8 млн лайкаў і больш 354 тыс. камэнтаў.

Музычнае выданьне NME паведамляе, што гэта другі на YouTube кліп 1990-х гадоў, якому ўдалося набраць столькі праглядаў. Раней гэтага выніку дасягнуў гурт Guns N’Roses з кліпам на кампазыцыю November Rain. Цяпер гэты ролік апярэджвае Smells Like Teen Spirit амаль на 300 млн праглядаў.

Трэцім паводле папулярнасьці кліпам з 1990-х стаў Zombie групы The Cranberries, у якога прыкладна 980 млн праглядаў.

Smells Like Teen Spirit — адзін з галоўных гітоў Nirvana. Кампазыцыя была пастаўлена на дзевятае месца ў сьпісе «500 найвялікшых песень усіх часоў» часопісу Rolling Stone. Яна таксама фігуруе ў рэйтынгах найлепшых песень многіх іншых музычных выданьняў.

Відэакліп на гэтую песьню быў узнагароджаны дзьвюма прэміямі MTV Video Music Awards.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG