У сваёй праграме «Надвор'е» кампанія Apple на тэрыторыі Расеі пачала адлюстроўваць Крым і Севастопаль «расейскай» тэрыторыяй. Як паведамляе карэспандэнт Крым.Реалии, у Маскве анэксаваныя Севастопаль, Сімфэропаль, Керч адлюстроўваюцца расейскай тэрыторыяй.
Пры гэтым на мацерыковай частцы Ўкраіны і на анэксаваным паўвостраве Севастопаль, Сімфэропаль, Керч і іншыя гарады не адлюстроўваюцца ні часткай Украіны, ні Расеі.
Афіцыйных камэнтароў амэрыканскай кампаніі з гэтай нагоды пакуль няма.
У траўні гэтага года Apple не адлюстроўвала тэрытарыяльную прыналежнасьць гарадоў Крыма ў сваіх праграмах, як з мацерыковай Украіны, так і з паўвострава.
Раней Дзярждума Расеі дала Apple тэрмін да 25 красавіка, а затым прадоўжыла яго да 10 траўня на «ліквідацыю недакладнасьцяў пры адлюстраваньні геаграфічнай прыналежнасьці Крыма і Севастопаля ў праграме».
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў