У амэрыканскім штаце Каліфорнія ў сувязі з моцнымі ляснымі пажарамі праводзіцца эвакуацыя шэрагу раёнаў Лос-Анджэлесу. Раёны, ахопленыя агнём, пакінулі каля 10 тысяч чалавек.
Ратавацца давялося і некаторым знакамітасьцям. Сярод іх галівудзкі актор і былы губэрнатар Каліфорніі Арнольд Шварцэнэгер, актор Раян Філіп і баскетбаліст Леброн Джэймс.
Паводле ацэнак экстраных службаў, агонь пагражае музэю Getty, у якім знаходзіцца адна з самых вялікіх мастацкіх калекцый у свьеце.
Усяго ў зоне эвакуацыі ў Каліфорніі знаходзяцца каля 200 тысяч чалавек, для іх адкрыты прытулкі. Паведамлялася, што ад агню пацярпелі двое ратавальнікаў. Згарэла больш за сотню будынкаў, у тым ліку старадаўнія вінакурні.
У якасьці меры засьцярогі адключана электрычнасьць для амаль двух мільёнаў чалавек. Адключэньне электраэнэргіі таксама закранула і вышкі сотавай сувязі, блякаваўшы паведамленьне з пацярпелымі раёнамі.
У акругах Санома і Лос-Анджэлес абвешчана надзвычайнае становішча.
