Прэзыдэнт Інданэзіі Джока Ўідода заявіў, што сталіцу дзяржавы перанясуць на тэрыторыю, якая знаходзіцца ў правінцыі Ўсходняе Барнэа, паведамляе Reuters.
Паводле Ўідоды, перанос сталіцы з Джакарты будзе каштаваць 32, 79 млрд даляраў. 19% з гэтай сумы сфінансуе бюджэт. Рэшту выдаткаў прафінансуюць з грамадзка-прыватных і прыватных сродкаў.
Сталіцу пераносяць з прычыны эрозіі, якая стала наступствам зьмены клімату. Да 2050 году Джакарта, цяперашняя сталіца Інданэзіі, дзе жыве каля 10 млн чалавек, часткова апынецца пад вадой. Прычынай гэтага ёсьць павышэньне ўзроўню акіянаў у сувязі з глябальным пацяпленьнем.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў