Лінкі ўнівэрсальнага доступу

За хабар затрымалі трох кіраўнікоў абласных філій «Беларуснафты»


АЗС сеткі «Беларуснафта»

Падчас перадачы хабару затрыманыя кіраўнікі падразьдзяленьняў «Беларуснафты» ў Віцебскай, Гомельскай і Горадзенскай абласьцях. Пра гэта паведамляе Камітэт дзяржкантролю Беларусі.

Супрацоўнікі Дэпартамэнту фінансавых расьсьледаваньняў Камітэту дзяржкантролю Менскай вобласьці і Менску затрымалі кіраўнікоў аддзелаў раздробнага гандлю шэрагу рэгіянальных падразьдзяленьняў.

Высьветлена, што службовыя асобы некалькі гадоў сыстэматычна атрымлівалі хабар за перадачу камэрцыйнай фірме магчымасьці прадаваць прадукцыю на аўтазаправачных станцыях і ў прыдарожных кавярнях. Сума ўзнагароджаньня складала ад 400 да 1200 рублёў штомесяц.

Пры атрыманьні чарговага хабару супрацоўнікаў даччыных прадпрыемстваў «Беларуснафты» затрымалі. Распачатыя крымінальныя справы паводле арт. 430 (атрыманьне хабару).

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG