У Пецярбургу прайшоў узгоднены мітынг за справядлівасьць для жанчын і ў падтрымку сясьцёр Хачатурʼян, якіх абвінавачваюць у забойстве бацькі.
Па дадзеных МБХ-медиа і «Фонтанки», у мітынгу ўзялі ўдзел каля адной тысячы чалавек. «Нямецкая хваля» паведамляе пра паўтары тысячы.
Сьледзтва выставіла сёстрам Хачатурʼян абвінавачваньне ў групавым забойстве бацькі па папярэдняй змове. Абарона сьцьвярджае, што дзеўчыны дзейнічалі ў рамках неабходнай самаабароны, і патрабуе альбо зьмякчыць абвінавачваньне, альбо спыніць справу, паведамляе расейская «Новая газета».
19-гадовая Крысьціна, 18-гадовая Ангеліна і 17-гадовая Марыя забілі бацьку ў ліпені 2018 году. Падчас допыту дзеўчыны прызналі віну, і 29 ліпеня ім было выстаўлена абвінавачваньне ў забойстве без абцяжарваючых абставін. Прычынай злачынства сьледзтва назвала «асабістыя непрыязныя адносіны з прычыны прычыненьня бацькам маральных пакут на працягу доўгага часу».
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў