12-гадовага хлопчыка засыпала пяском на будоўлі жылога дому. Пра гэта паведамляе тэлеграм-канал Міністэрства ўнутраных спраў.
Па інфармацыі МУС, у пятніцу 2 жніўня, у 20:40 у дзяжурную частку Маларыцкага РАУС паступіла паведамленьне з бальніцы пра сьмерць 12-гадовага хлопчыка. Цела дзіцяці знайшла ягоная маці.
Паводле папярэдняй інфармацыі: хлопчык зь сябрамі удзень пайшоў на шпацыр і да вечара не вярнуўся дадому. Маці пайшла шукаць сына і знайшла ягоны ровар на тэрыторыі, дзе будуецца дом. Напалову засыпанае пяском цела дзіцяці знаходзілася побач. Мэдыкі, якія прыбылі на месца здарэньня, канстатавалі сьмерць.
Цяпер сьледчыя высьвятляюць, як адбыўся няшчасны выпадак.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў