Лінкі ўнівэрсальнага доступу

Беларусы сталі атрымліваць менш грошай з-за мяжы


Ілюстрацыйнае фота. Лягатып міжнароднай сыстэмы грашовых пераводаў Western Union

У другім квартале 2019 году беларусы агулам атрымалі амаль 75,9 млн даляраў грашовых пераводаў з-за мяжы — гэта на 8,5% менш, чым за аналягічны пэрыяд мінулага году, піша выданьне «Белорусы и рынок» са спасылкай на дадзеныя Нацбанку Беларусі.

Сярэдняя сума пераводу скарацілася на 9,5% і цяпер складае 255,98 даляра.

Усяго за паўгода 2019 году празь міжнародныя сыстэмы грашовых пераводаў у Беларусь паступіла 150,8 мільёна даляраў — на 11,5% менш, чым летась.

Грашовыя пераводы зь Беларусі за мяжу ў другім квартале 2019 году таксама зьменшыліся — на 2,2%, да 45,03 млн даляраў. Сярэдні памер пераводу — 366,46 даляра (зьменшыўся на 0,7%).

За паўгода зь Беларусі за мяжу беларусы перавялі 84,1 млн даляраў — прыкладна столькі ж, колькі летась.

У статыстыку Нацбанку ўваходзяць грашовыя пераводы праз Western Union, «Юнистрим», «Золотая корона», Money Gram, BLIZKO, Contact, «Колибри», Faster, Ria Money Transfer.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG