Тры чалавекі былі параненыя рагамі быкоў падчас штогадовага забегу на традыцыйным фэсьце Сан Фэрмін у гішпанскім горадзе Памплёна.
Паводле мясцовых уладаў, сур’ёзна параненыя два амэрыканцы, узростам 23 і 46 гадоў, і 40-гадовы гішпанец. Агулам мэдычная дапамога спатрэбілася 48 чалавекам.
Да наступнай нядзелі штодня будуць ладзіцца такія забегі на 850 мэтраў па вузкіх вулачках гораду. Ад 1910 году, калі пачалі весьці такую статыстыку, прынамсі 16 чалавек загінулі падчас фэстывалю.
Архіўныя фота з фэстывалю:
Быкі, якіх выпускаюць на вуліцы, пазьней удзельнічаюць у карыдзе. Актывісты ў абарону правоў жывёлаў рэгулярна пратэстуюць супраць гэтага традыцыйнага гішпанскага відовішча.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў