Удзельнікі экстраннага саміта ЭЗ не змаглі дамовіцца наконт кандыдатуры на пасаду новага кіраўніка Эўрапейскай камісіі. 30 чэрвеня абмеркаваньне давялося перапыніць для двухбаковых кансультацый.
Абмеркаваньне будзе працягвацца 1 ліпеня.
Кіраўнік Эўрапейскай Рады Дональд Туск і шэраг лідэраў выказваліся за кандыдатуру нідэрляндзкага палітыка, сацыял-дэмакрата Франса Тымэрманса. Але яго катэгарычна адмовіліся ўхваліць краіны Ўсходняй Эўропы і кіраўніцтва найбуйнейшага правацэнтрысцкага блёку ЭЗ — Эўрапейскай народнай партыі.
Акрамя кіраўніка Эўракамісіі ўдзельнікі саміту павінны зацьвердзіць таксама новага старшыню Эўрапейскай Рады, кіраўніка Эўрапейскага банку і Вярхоўнага прадстаўніка ЭЗ у пытаньнях вонкавай палітыкі.
Абраньне кіраўніцтва Эўразьвязу адбываецца ўсьлед за выбарамі ў Эўрапарлямэнт, якія прайшлі ў траўні. Перамены на кіруючых пасадах ЭЗ адбудуцца восеньню, аднак ўзгодненыя павінны быць ужо цяпер.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў