Партал Tut.by паведамляе пра затрыманьне старшыні праўленьня Магілёўскага аблспажыўсаюзу Сяргея Шуркала. Нібыта яго падазраюць у перавышэньні службовых паўнамоцтваў і прысваеньні маёмасьці.
Партал спасылаецца на ўласныя крыніцы, якія паведамляюць, што Шуркала затрымалі на гэтым тыдні, і ягонай справай займаецца КДБ. На працы чыноўнік не зьяўляўся ўжо некалькі дзён. Цяпер ягоныя абавязкі выконвае намесьнік.
На сайце Магілёўскага аблспажыўсаюзу Шуркала пазначаны як старшыня на момант 8 чэрвеня 12.00.
Пацьвердзіць інфармацыю ў прэсавай службе КДБ пакуль не ўдалося.
Абласное аддзяленьне спажыўсаюзу каардынуе працу крамаў спажыўкаапэрацыі, разьмешчаных на тэрыторыі вобласьці.
У кіраваньні Белкаапсаюза каля 8000 гандлёвых кропак і 700 аўтамабільных крамаў.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў