Эканамічны суд Берасьцейскай вобласьці задаволіў пазоў вайсковай часткі да Пружанскага райвыканкаму. Выканкам мусіць кампэнсаваць частцы 923,17 рубля за шкоду, нанесеную неабгрунтаваным прызывам салдата тэрміновай службы.
У суму шкоды ўвайшлі:
- 483,92 рубля за харчаваньне;
- 355,30 рубля за рэчавае забесьпячэньне;
- 60,77 рубля за грашовае забесьпячэньне;
- 12,32 рубля за вайсковыя перавозачныя дакумэнты;
- 5,59 рубля за лячэньне;
- 5,27 рубля расходаў на баявую падрыхтоўку.
Паводле суду, падчас мэдычнага агляду нэўроляг не заўважыў прыкметаў мышачнай атрафіі, якая перашкаджае прызыву ў войска.
Судовае рашэньне не абскарджвалася і набыло моц 3 чэрвеня 2019 году.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў