Як яно на самой справе
Няпраўда. Гэта вынікае са зьвестак Эўразійскай эканамічнай камісіі. Пры гэты аб’ём узаемнага гандлю за 4 гады дзеяньня ЭАЭС павялічыўся, у 2015 годзе экспарт зь пяці краінаў саюзу ў іншыя краіны ЭАЭС складаў 45.6 мільярдаў даляраў, у 2018 годзе — 59.7 мільярдаў даляраў.
Аднак пры гэтым доля краінаў ЭАЭС у іх зьнешнім гандлі за 4 гады практычна не зьмянілася. У 2015 годзе краіны саюзу экспартавалі ва ўсе краіны сьвету тавараў на 419.4 мільярды даляраў, пры гэтым экспарт у іншыя краіны саюзу склаў 10.8%. У 2018 годзе гэты паказьнік захаваўся на тым жа ўзроўні — 10.8%.
Аналягічная сытуацыя зь імпартам. У 2015 годзе краіны ЭАЭС увезьлі тавараў з усяго сьвету на 251.1 мільярд даляраў, імпарт зь іншых краінаў ЭАЭС склаў 18.2%. У 2018 годзе доля імпарту з краінаў саюзу ізноў складала 18.2%. Узаемныя эканамічныя сувязі за 4 гады існаваньня саюзу ня сталі ні больш, ні менш шчыльнымі, а засталіся такімі ж, якімі былі.
Беларусь значна больш ангажаваная ў гандаль з краінамі ЭАЭС, чым іншыя чальцы саюзу. Найперш гэта гандаль з Расеяй. Але і для адной Беларусі ступень шчыльнасьці сувязяў зь іншымі краінамі саюзу істотна за гэтыя гады не зьмянілася: у 2015 годзе з экспарту ва ўсе краіны сьвету на Армэнію, Казахстан, Кіргізстан і Расею разам прападала 41.2%, у 2018 годзе — 41.1%.
У імпарце доля ЭАЭС павялічылася, але нязначна: у 2015 годзе доля краінаў ЭАЭС у імпарце ў Беларусь складала 56.7%, у 2018 годзе — 59.2%.
Падзяліцеся ў сацыяльных сетках са сваімі сябрамі