Рух «За свабоду» стварыў гайд для замежнікаў, якія прыедуць у Менск на Эўрапейскія гульні.
«Беларусы ўжо звыкліся з шэрагам забаронаў, у тым ліку і тымі, якія закранаюць іх правы. Але падчас Эўрапейскіх гульняў да нас прыедуць замежныя турысты, якія з такімі рэчамі не сутыкаліся. Мы ў даступнай форме (гайд існуе як набор картак і пашыранага тэксту) хочам папярэдзіць іх пра магчымыя непрыемнасьці», — пракаментаваў ініцыятыву старшыня руху Юрась Губарэвіч.
У гайдзе абазначаныя «найбольш небясьпечныя і дзіўныя забароны» у Беларусі, сярод якіх «недатыкальная» скульптура менскага гарадавога, небясьпека перамяшчацца арганізаванымі групамі, забарона на фатаграфаваньне дзяржаўных будынкаў і г.д.
«Мы распачынаем кампанію і заклікаем беларусаў і замежнікаў дасылаць свае гісторыі і публікаваць іх з хэштэгам #welcometobelarus. Плянуем працягнуць публікацыю картак», — дадаў Юрась Губарэвіч.
Такім незвычайным чынам рух «За свабоду» імкнецца нагадаць пра тое, што ў Беларусі працягваюцца парушэньні правоў чалавека
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў