На краўдфандынгавай плятформе MOLAMOLA запусьцілі збор сродкаў на аднаўленьне надмагільнага помніка Дамініку Ануфрыевічу Луцэвічу, бацьку народнага паэта Беларусі Янкі Купалы.
Сабраныя талакой грошы пойдуць на закуп патрэбных матэрыялаў, дастаўку іх ў вёску Корань Лагойскага раёну да магілы Дамініка Луцэвіча і г. д. Валянтэры плянуюць падфарбаваць пэўныя часткі памятнага знака, аднавіць пліту пад знакам, а таксама прыбраць вакол помніка.
Добраўпарадкаваць магілу плянуецца да 13 чэрвеня — дня сьвятога Антонія (у гэты дзень мясцовыя жыхары ідуць на могілкі, каб ушанаваць памяць памерлых).
Работы пачнуцца, калі будзе сабраная неабходная сума.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў