Колькасьць затрыманых у сувязі з першамайскім акцыямі ў гарадах Расеі перавысіла сто чалавек.
Як паведамляе расейскі праваабарончы партал «ОВД-Инфо», больш за палову затрыманьняў прыйшлося на Санкт-Пецярбург, дзе супрацоўнікі Росгвардии разагналі калёну ўдзельнікаў шэсьця «Вольнаму Пецярбургу — свабодныя выбары!». У пастарункі паліцыі гораду даставілі больш за шэсьцьдзесят чалавек.
У Махачкале, Ноўгарадзе і Курску сёньня затрымалі ўдзельнікаў моладзевага шэсьця Монстрация. Пазьней стала вядома, што ў сталіцы Дагестану таксама затрыманая арганізатарка гэтай акцыі Раісат Сіражудзінава. Мерапрыемства ў Махачкале ўлады рэспублікі не ўзгаднілі, спаслаўшыся на тэрарыстычную пагрозу.
Затрыманьні на акцыях 1 траўня таксама прайшлі ў Петрапаўлаўску-Камчацкім, Томску, Курску і Сыктыўкары, перадае «ОВД-Инфо».
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў