Як яно на самой справе
Паводле колькасьці выпадкаў хабарніцтва на 10 тысяч чалавек Беларусь апярэджвае Расею ў пяць разоў, прычым гэтая розьніца ўвесь час павялічваецца. Такія параўнальныя дадзеныя прыводзяцца ў новым статыстычным зборніку «Беларусь і Расея — 2018», які кожныя два гады рыхтуюць статыстычныя службы дзьвюх краінаў.
Паведамляецца, што з 1995 году колькасьць выпадкаў хабарніцтва ў разьліку на 10 тысяч чалавек у Расеі практычна не зьмянілася, а ў Беларусі гэты паказчык пастаянна павялічваецца.
Так, у Расеі колькасьць выпадкаў хабарніцтва на 10 тысяч чалавек у 1995 годзе складала 0,3, а ў 2017-м — 0,4. У той жа час у Беларусі гэты паказчык у 1995 годзе складаў 0,6, у 2015-м дасягнуў 1,2, у 2016-м — 1,3, а ў 2017-м на 10 тысяч чалавек у Беларусі прыйшлося два выпадкі хабарніцтва.
Намесьнік кіраўніка Галоўнага ўпраўленьня барацьбы з эканамічнымі злачынствамі Міністэрства ўнутраных справаў Беларусі Валер Балабуеў на прэсавай канфэрэнцыі паведаміў, што ў 2017 годзе ў Беларусі выявілі 2 выпадкі хабару на 10 тысячаў чалавек. Найвялікшы хабар за 2018 год — 80 тысяч эўра.
Індэкс успрыняцьця карупцыі ў краіне сьведчыць пра стаўленьне да гэтай зьявы ў дзяржаве.
Падзяліцеся ў сацыяльных сетках са сваімі сябрамі