У Эстоніі на парлямэнцкіх выбарах больш за чвэрць выбарнікаў прагаласавалі праз інтэрнэт. Такім чынам краіна пабіла ўласны рэкорд.
Па дадзеных Рэспубліканскай выбарчай камісіі краіны, у электронным галасаваньні, якое праходзіла з 21 па 27 лютага, удзел прынялі больш 247 тысяч з 900 тысяч выбарнікаў.
У 2005 годзе Эстонія стала першай у сьвеце краінай, якая прапанавала праводзіць выбары праз інтэрнэт. У 2015 годзе гэтым правам скарысталіся больш за 176 тысячаў чалавек.
Традыцыйнае ж галасаваньне на выбарах у Эстоніі пройдзе 3 сакавіка.
У Рыйгікогу (парлямэнт Эстоніі) абіраецца 101 дэпутат па прапарцыйнай сыстэме. Для праходжаньня ў парлямэнт партыі неабходна пераадолець пяціпрацэнтны бар'ер.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў