Лінкі ўнівэрсальнага доступу

У Беларусі незвычайна вырасьлі цэны на прадукты — найбольш падаражала капуста


Ілюстрацыйнае фота, ©Shutterstock

Рост цэнаў на харчовыя тавары за студзень склаў 1,3% — такім рэзкім ён быў апошні раз у кастрычніку 2017 году. Пры гэтым агулам інфляцыя за месяц склала толькі 0,9%.

Паводле БелТА, найбольш падаражэлі:

  • белакачанная капуста — на 18,61%;
  • вінаград — на 18,22%;
  • памідоры — на 16,43%;
  • бананы — на 13,68%;
  • агулам агародніна — на 12,74%, фрукты — на 7,55%.

Найбольшы рост цэнаў за месяц не на харчы, а на звадкаваны гад: адразу на 25,58%.

Вінаград значна даражэў і год таму: у студзені 2018 году цэны на яго вырасьлі аж на 36,3%. Але тады капуста падаражэла толькі на 7,3%, памідоры і бананы — і таго меней. Але цэны на бульбу тады падскочылі на 14,6%, цяпер бульба падаражэла толькі на 5,4%.

Як адзначае Tut.by, мяса, якое, як і бульба, хутчэй за іншыя прадукты даражэла ў 2018 годзе (у сярэднім на 11,6%, але мяса і паўфабрыкаты з птушкі — больш як на 21%), цяпер вырасла ў цэнах толькі на 0,3–0,4%.

Пры тым хлеб у студзені 2019 году патаньнеў на 2,54%, алькагольныя напоі сталі таньнейшымі на 0,31%, адзеньне — на 0,13%.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG