Раніцай 12 студзеня ў цэнтры Парыжу адбыўся выбух, паведамляюць адразу некалькі сусьветных і францускіх СМІ. Сярод іх тэлеканал Al Jazeera і выданьне leparisien.fr.
Выбух адбыўся ў будынку, на першым паверсе якога знаходзіцца пякарня. У суботу яна не працуе.
Падрабязнасьцяў пра прычыны выбуху, які адбыўся ў сталіцы Францыі раніцай суботы 12 студзеня, пакуль няма. Вядома толькі пра моцныя пашкоджаньні на будынках і зьнішчаныя ў выніку выбуху аўтамабілі.
Па адной з вэрсій прычынай здарэньня мог стаць выбух бытавога газу, усё адбылося ў памяшканьні пякарні. У ліквідацыі вынікаў выбуху ўдзельнічала каля 140 ратавальнікаў, паведамляе брытанскі The Telegraph.
На месцы здарэньня
Мясцовая паліцыя паведаміла пра дзясяткі пацярпелых, іх стан невядомы. Праваахоўнікі просяць жыхароў Парыжа ўстрымацца ад наведваньня месца выбуху, каб не перашкаджаць працы паліцыі і ратавальнікаў.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў