«Багемная рапсодыя» брытанскага рок-гурта Queen стала найбольш папулярнай песьняй, запісанай у XX стагодзьдзі. На стрымінгавых сэрвісах яе запускалі больш за паўтара мільярда разоў (палова — на Youtube), паведамілі ў кампаніі Universal Music Group.
Кампазыцыя, якая злучае ў сабе опэру, баляду, хард-рок і акапэлу, выйшла ў 1975 годзе і прынёс гурту сусьветную славу.
Universal таксама зьвязвае посьпех з аднайменным мастацкім фільмам, які выйшаў на сусьветныя экраны ў лістападзе. Стужка, якая распавядае пра жыцьцё саліста Queen Фрэдзі Мерк'юры, ужо сабрала ў глябальным кінапракаце звыш 600 млн даляраў, а актор Рэмі Малек быў намінаваны на прэмію «Залаты глёбус».
Пры гэтым самае прагляданае музычнае відэа XXI стагодзьдзя на гэты момант, пуэрта-рыканская песьня «Despacito», толькі на Youtube мае 5,7 млрд праглядаў.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў