У Горадні завялі крымінальную справу супраць жанчыны і мужчыны, якіх затрымалі нібыта за бойку зь міліцыянтамі 5 траўня, піша БелТА.
Іх падазраюць у супраціўленьні супрацоўніку органаў унутраных спраў з ужываньнем гвалту. Паводле ч. 2 арт. 363 за такое злачынства пагражае да 5 гадоў абмежаваньня ці пазбаўленьня волі.
Падазраваных затрымалі пасьля інцыдэнту ў горадзенскай кавярні «Семафор». Паводле УУС Горадзенскага аблвыканкаму «кампанія вяла сябе неспакойна». На выклік прыехала міліцыя. Адна з удзельніц канфлікту ўдарыла супрацоўніка міліцыі абцасам у галаву.
Жыцьцю міліцыянта нічога не пагражае. Расьсьледаваньне працягваецца, прызначаны экспэртызы.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў