Лінкі ўнівэрсальнага доступу

Кампанія Spotify апублікавала рэйтынг найпапулярнейшай музыкі ў 2017 годзе


Музычны сэрвіс Spotify склаў сьпіс самых папулярных песьняў, альбомаў, артыстаў і музычных жанраў сярод карыстальнікаў плятформы ва ўсім сьвеце.

Топ-5 музыкаў

Найбольш папулярным музыкам названы брытанскі поп-сьпявак Эд Шыран. Агульная колькасьць яго праслухоўваньняў склала 6,3 мільярда разоў. Ягоная песьня «Shape of You» перамагла ў намінацыі «Найпапулярнейшы трэк году». Агулам яе паслухалі 1,4 мільярда разоў. Альбом Эда Шырана «Divide», прэм’ера якога адбылася ў сакавіку, таксама заняў першую пазыцыю ў рэйтынгу — яго ўключылі 3,1 мільярда разоў.

  1. Эд Шыран
  2. Drake
  3. The Weeknd
  4. Кендрык Ламар
  5. The Chainsmokers

Найбольш папулярныя артысткі

У сваім рэйтынгу Spotify вылучае найбольш папулярных артыстаў мужчынскага і жаночага полу. Сярод жанчын першае месца заняла Рыяна, якая ня трапіла ў агульны топ-5 музыкаў і песень.

  1. Рыяна
  2. Тэйлар Сьвіфт
  3. Сэлена Гомэз
  4. Арыяна Грандэ
  5. Sia

Найбольш папулярныя артысты

  1. Эд Шыран
  2. Drake
  3. The Weeknd
  4. Кендрык Ламар
  5. Дэдзі Янкі

Топ-5 музычных гуртоў

  1. Coldplay
  2. Imagine Dragons
  3. Maroon 5
  4. Linkin Park
  5. Migos

Найбольш папулярныя альбомы

  1. Divide — Эд Шыран
  2. More Life — Drake
  3. DAMN. — Кендрык Ламар
  4. Starboy — The Weeknd
  5. Stoney — Post Malone

Сярод музычных жанраў, якія зьявіліся ў 2017 годзе, вылучаюць мэлядычны паўэр-мэтал, хаатычны блэк-мэтал, чылхоп, сэрыялізм і гэймхоп. Актыўней за ўсё карыстальнікі Spotify слухалі музыку 13 чэрвеня — на гэты дзень прыпадае найвышэйшая колькасьць праслухоўваньняў на аднаго карыстальніка.

Музычны сэрвіс Spotify дае магчымасьць праслухоўваць аўдыё онлайн і займае першае месца сярод дадаткаў у гэтым сэгмэнце. Сэрвіс працуе на дэвайсах на Windows, macOS, Linux, Android і iOS праз платную падпіску коштам каля 10 даляраў за месяц. На жнівень 2017 году Spotify карысталіся больш за 60 мільёнаў чалавек.

XS
SM
MD
LG