Лінкі ўнівэрсальнага доступу

«Наўмысна насіў патрон». У Гомлі судзяць француза Жаляна Віё


Коратка

У судзе Гомельскага раёну разглядаюць крымінальную справу ў дачыненьні грамадзяніна Францыі Жаляна Віё. Яго вінавацяць у незаконнай перавозцы агнястрэльнай зброі і незаконным абарачэньні забароненых рэчываў.

Свабода вяла жывы блог і відэатрансьляцыю з будынку суду.

24-гадовага француза затрымалі 21 верасьня на памежным пункце пропуску Новая Гута, пасьля чаго ён быў зьмешчаны ў Гомельскі сьледчы ізалятар № 3. Мытнікі сьцьвярджаюць, што Віё пешшу перасякаў беларуска-украінскую мяжу і не задэкляраваў патрон. Сам падарожнік у лісьце на волю пісаў, што адмыслова выбраў «чырвоны калідор», каб задэкляраваць рэчы і патрон, падораны яму польскім сябрам. На судзе прысутнічаюлі францускі консул Карын Бардзье, родны брат Жаляна Гіём, а таксама прадстаўнікі францускіх СМІ.

У судзе абвешчаны перапынак да 14.30.

Тым часам паступіла хадайніцтва ад сяброў Віё наконт зьмены меры стрыманьня пад іх асабістае заручэньне. Аднак дзяржаўны абвінаваўца заявіў, што ня бачыць для гэтага ніякіх відавочных падставаў.

Дзяўчыны, якія зьвярнуліся з хадайніцтвам да суду зьмяніць меру стрыманьня пад асабістае заручэньне
Дзяўчыны, якія зьвярнуліся з хадайніцтвам да суду зьмяніць меру стрыманьня пад асабістае заручэньне

Іншы сьведка — начальнік мытнага пункту Новая Гута Алег Парашчанка. Тлумачыць нюансы праходжаньня «чырвонага калідору», падкрэсьліўшы, што мытная мяжа супадае зь дзяржаўнай.

Ён прызнаў факт «неажыцьцяўленьня апэрацыі з дэкляраваньнем», але разам і тое, што Жалян Віё «фізычна не перамясьціў» патрон празь мяжу.

Судзьдзя прызнала ўзровень ангельскай мовы інспэктара Андрэя Крыцкага як «вельмі нізкі». Сэнс словаў, сказаных Віё, службовец амаль не зразумеў, здагадаўся толькі наконт «сувэніру».

Мытнік пагадзіўся, дадаўшы, што ў дадзеным выпадку «праўда важнейшая». «Бачыце, што атрымалася з-за майго няведаньня ангельскай мовы», — зьвярнуўся да судзьдзі Крыцкі.

Загрузіць яшчэ

Ваша меркаваньне

Паказаць камэнтары

XS
SM
MD
LG