Флінт лічыць, што Трамп павінен пакінуць пасаду прэзыдэнта, у прыватнасьці, з прычыны скампрамэтаванай унутранай і зьнешняй палітыкі ЗША, прызначэньня на высокія пасады недастаткова кваліфікаваных асоб і выхаду краіны з Парыскага пагадненьня. Акрамя таго, Флінт папрасіў высылаць інфармацыю аб магчымых махінацыях з падаткамі і інвэстыцыямі кампаній Трампа, а таксама «таемных угодах з расейцамі».
The Washington Post нагадвае, што ў 2007 годзе Флінт прапанаваў адзін мільён даляраў праз абʼяву ў выданьні The Post за інфармацыю пра сэксуальныя сувязях членаў Кангрэсу ЗША ці іншых дзяржаўных чыноўнікаў.
У 2012 годзе Флінт абяцаў адзін мільён даляраў за падатковыя дэклярацыі кандыдата ў прэзыдэнты ад Рэспубліканскай партыі Міта Ромні. Тады выдавец Hustler апублікаваў рэклямныя абʼявы ў газэтах The Washington Post і USA Today.
