Падчас адкрыцьця помніку Сымону Балівару ў беларускай сталіцы целаахоўнік вэнэсуэльскага прэзыдэнта Нікаляса Мадуры трымаў у руках чорную валізку.
Насамрэч гэта не клясычная торба. Гэта бронекамізэлькі, якія адным рухам рукі ператвараюцца ў куленепрабівальныя шчыты. Такія «валізкі» выкарыстоўваюцца падчас аховы VIP-аў ва ўсім сьвеце.
Калі адбываецца напад на прэзыдэнта, яны зьбіраюцца «скрынкай» вакол аб'екту нападу.