Паводле інфармацыі МУС РБ, мужчына (1969 г.н.) і жанчына (1970 г. н) спрабавалі схавацца ад праваахоўных органаў і былі абвешчаныя ў міжнародны вышук па лініі Інтэрпола. Іх знайшлі ў Каралеўстве Камбоджа, адкуль дэпартавалі ў Расею.
Сямейная пара знаходзілася ў вышуку за зьдзяйсьненьне злачынстваў, прадугледжаных ч.4 арт.210 (крадзеж шляхам злоўжываньня службовымі паўнамоцтвамі), ч.2 арт. 235 (легалізацыя (адмываньне) матэрыяльных каштоўнасьцяў, набытых злачынным шляхам) і ч.3 арт.424 (злоўжываньне ўладай або службовымі паўнамоцтвамі). Справу расьследуе Сьледчы камітэт, - паведамляе БЕЛТА.