Лінкі ўнівэрсальнага доступу

Расея пагадзілася выплаціць 3 мільёны эўра ахвярам Бэслану


У Бэслане ўзгадваюць ахвяраў трагедыі 2004 году

Міністэрства юстыцыі Расеі пагадзілася выплаціць 3 мільёны эўра пацярпелым у выніку тэракту ў Бэслане. Эўрапейскі суд па правах чалавека 19 верасьня адмовіўся пераглядаць рашэньне аб кампэнсацыі. У Мінюсьце Расеі пацьвердзілі, што рашэньне суду будзе выкананае, паведамляе «Інтэрфакс».

У красавіку ЭСПЧ пастанавіў, што расейскія ўлады ня справіліся з абавязкам прадухіліць магчымую пагрозу жыцьцю людзей і не сплянавалі штурм так, каб мінімізаваць пагрозу жыцьцю закладнікаў. Крэмль не пагадзіўся з рашэньнем ЭСПЧ. Мінюст спрабаваў аспрэчыць вэрдыкт.

Суд разглядаў адразу некалькі скаргаў, пададзеных ініцыятыўнай групай «Маці Бэслану». Агульная колькасьць заяўнікаў — больш як 400 чалавек. У скаргах, пададзеных у ЭСПЧ, гаварылася, што расейскія ўлады парушылі свае абавязацельствы па абароне жыцьця грамадзянаў, не прадухіліўшы тэракт. Першае пасяджэньне суду адбылося ў 2014 годзе.

1 верасьня 2004 году баевікі захапілі і на працягу трох дзён утрымлівалі ў закладніках больш за 1200 вучняў і настаўнікаў школы № 1 у Бэслане. У выніку тэрарыстычнага нападу і штурму, які яму наступнічаў, 3 верасьня загінулі 334 чалавекі, 186 зь іх — дзеці. Адказнасьць за тэракт узяў на сябе адзін зь лідэраў чачэнскіх баевікоў Шаміль Басаеў.

Глядзець камэнтары (2)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG