Лінкі ўнівэрсальнага доступу

Каманда Навальнага будзе дамагацца яго рэгістрацыі на выбарах


Кіраўнік перадвыбарчага штабу апазыцыянэра Леанід Волкаў

Каманда Аляксея Навальнага будзе дамагацца яго рэгістрацыі кандыдатам на выбарах прэзыдэнта Расеі ў 2018 годзе палітычнымі мэтадамі. Гэта выключна палітычнае рашэньне, і кіраўніца Цэнтральнай выбарчай камісіі Эла Памфілава павінна будзе яго выконваць. Пра гэта сказаў «Эху Москвы» кіраўнік перадвыбарчага штабу апазыцыянэра Леанід Волкаў.

Напярэдадні Памфілава заявіла, што Навальны зможа ўдзельнічаць у выбарах прэзыдэнта, толькі калі адбудзецца «цуд». Кіраўнік ЦВК сьцьвярджае, што ў цяперашні час апазыцыянэр ня мае права балятавацца ў прэзыдэнты праз абвінаваўчы прысуд у справе «Кировлеса». Навального могуць зарэгістраваць у якасьці кандыдата, калі ён даможацца адмены судзімасьці або зьменаў у заканадаўстве краіны. Абодва гэтыя варыянты Памфілава назвала «цудамі», верагоднасьць якіх, на яе думку, «вельмі малая».

У траўні гэтага году суд пасьля паўторнага разгляду справы «Кировлеса» зноў прысудзіў Навальнаму пяць гадоў умоўнага пазбаўленьня волі, прызнаўшы яго вінаватым у «крадзяжы сродкаў». Эўрапейскі суд у пытаньнях правоў чалавека раней прызнаў гэты прыгавор неправасудным. Апазыцыянэр мае намер зноў абскардзіць рашэньне расейскага суду.

Вылучэньне Навальнага на пост прэзыдэнта Расеі падтрымалі амаль 600 тысяч чалавек.

XS
SM
MD
LG