Абласны суд у Астраве ў сераду скасаваў зарэгістраванае таварыства «Прадстаўніцкі цэнтар Данецкай народнай рэспублікі». Адначасова ён пастанавіў ліквідаваць таварыства, якое знаходзілася пад кіраўніцтвам самазванага «ганаровага консула» Нэлы Лішкавай.
У адпаведнасьці з рашэньнем суду, дзейнасьць таварыства была незаконнай і перасякалася зь дзейнасьцю іншых субʼектаў грамадзкага сэктару. Рашэньне вітаў у сетцы Twitter міністар замежных спраў ЧР Любамір Зааралэк.
Лішкава заявіла, што яе рашэньне суду не зьдзівіла: «Гэта палітычны працэс. На суд быў аказаны вялікі ціск. Мы супраць чэскага ўраду. Мы дапамагаем людзям, што пацярпелі ад ваеннага канфлікту, які падтрымлівае ўрад», — заявіла Нэла Лішкава.
Пакуль невядома, ці будзе падавацца апэляцыя на рашэньня суду.
«Прадстаўнічы цэнтар ДНР» быў адкрыты ў Астраве ў верасьні летась. МЗС Чэхіі адразу выступіў з заявай, што «не прызнае ДНР дзяржавай і не падтрымлівае зь яе прадстаўнікамі ніякіх дыпляматычных стасункаў, а таксама лічыць недапушчальным самавольнае выкарыстаньне званьня „ганаровы консул“».
