Лінкі ўнівэрсальнага доступу

Чачэнскі добраахвотнік Асмаеў пасьля замаху ў Кіеве ідзе на папраўку


Аміна Акуева

Жонка чачэнскага добраахвотніка ўкраінскай арміі Адама Асмаева Аміна Акуева заяўляе, што яе муж, які пасля замаху на яго жыццё знаходзіцца ў шпіталі, размаўляў з ёй па тэлефоне і спрабуе падымацца.

«Толькі што размаўлялі з ім па тэлефоне! Голас бадзёры. Ужо спрабуе падымацца. Хутка трэба будзе пачынаць дыхальную гімнастыку для аднаўлення лёгкіх, а потым — бегаць», — напісала Акуева ў Facebook.

Напад на Асмаева і Акуеву адбыўся 1 чэрвеня ў Падольскім раёне Кіева. Паводле паліцыі, мужчына, які назваўся замежным журналістам, загадзя дамовіўся аб сустрэчы. Калі яны селі ў аўтамабіль, невядомы дастаў са скрынкі пісталет «Глок» і стрэліў у грудзі Асмаеву, у адказ Аміна Акуева са свайго пісталета Макарава зрабіла некалькі стрэлаў у нападніка. Абодва мужчыны былі дастаўлены ў бальніцу. Аміна Акуева не пацярпела.

Па факце замаху на забойства двух і больш асоб пачалі крымінальную справу. У паліцыі заяўляюць, што асноўнай вэрсіяй нападу на мужа і жонку добраахвотнікаў Адама Асмаева і Аміны Акуевой разглядаюць іх патрыятычную пазыцыю.

У лютым 2012 года Адама Асмаева затрымалі ў Адэсе праваахоўныя органы Украіны паводле падазрэньня ў зьдзяйсьненні выбуху ў адэскай кватэры. Сьледзтва таксама падазравала, што ён разам з саўдзельнікам рыхтаваў замах Ўладзімера Пуціна. Эўрапейскі суд па правах чалавека рэкамендаваў Украіне не выдаваць Асмаева Расіі, пасьля чаго Ўкраіна вырашыла прыпыніць працэс экстрадыцыі.

19 лістапада 2014 года пасьля двух з паловай гадоў зьняволеньня яго вызвалілі з-пад варты.

У лютым 2015 Асмаеў стаў камандзірам батальёна імя Джахара Дудаева, які ваяваў на баку войскаў Украіны на Данбасе.

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG