Лінкі ўнівэрсальнага доступу

Францыя заявіла, што няма сьлядоў датычнасьці Расеі да хакерскай атакі на штаб Макрона


Няма доказаў, што расейскія хакеры датычныя да кібэратакі на перадвыбарчы штаб прэзыдэнта Францыі Эманюэля Макрона падчас яго нядаўняй выбарчай кампаніі. Пра гэта ў інтэрвію Associated Press заявіў кіраўнік Нацыянальнага агенцтва бясьпекі інфармацыйных сыстэм Францыі Гіём Пупар.

Паводле Пупара, атака была «настолькі простай», што зьдзейсьніць яе мог «хто заўгодна і адкуль заўгодна». Пупар пацьвердзіў, што яго ведамства таксама ня выявіла сьлядоў іншай хакерскай групоўкі, якая падазраецца ва ўзломах падчас прэзыдэнцкай кампаніі ў ЗША.

У ноч на 6 траўня, напярэдадні другога туру прэзыдэнцкіх выбараў у Францыі, WikiLeaks апублікавала масіў дакумэнтаў перадвыбарчага штабу Макрона. У штабе заявілі, што сталі ахвярамі «скаардынаванай хакерскай апэрацыі».

Ваша меркаваньне

Паказаць камэнтары

XS
SM
MD
LG