Палітык паведаміў, што на сёньня партыя не разглядае стратэгію байкоту ці адмовы ад вылучэньня на мясцовых выбарах. Таксама, на яго думку, няма неабходнасьці ў стварэньні агульнанацыянальнай кааліцыі дэмакратычных структур для ўдзелу ў мясцовых выбарах. «Хоць рэгіянальныя кааліцыі магчымыя», — дадаў ён.
На пасяджэньні сойму 4 лютага партыя прыняла палітычнае рашэньне аб паўнафарматным удзеле ў мясцовых выбарах, паведамляе БелаПан. Пры гэтым мяркуецца як партыйнае вылучэньне кандыдатаў у дэпутаты, так і праз збор подпісаў.
У парлямэнцкіх выбарах 2016 года Партыя БНФ таксама ўдзельнічала з уласным сьпісам кандыдатаў у дэпутаты і партыйным пасланьнем да выбаршчыкаў.
