«У Міністэрства замежных спраў Беларусі новы лягатып». Пра гэта зьнешнепалітычнае ведамства паведамляе на сваёй старонцы ў «Твітары».
«Падпісвайцеся на нашы акаўнты ў сацсетках, каб даведвацца пра ўсе навіны першымі!», — заклікае @BelarusMID.
На навіну хутка адрэагавалі карыстальнікі «Твітару», якія прапанавалі беларускаму МЗС уласны варыянт лягатыпу — старажытную «Пагоню» замест цяперашняга афіцыйнага герба.
«Захавайце там сабе на выпадак чаго, пры неабходнасьці новае „лога“ можна элегантна выправіць», — піша карыстальнік Мікіта Малінаўскі.
А яшчэ наведнікі прапануюць МЗС беларусізаваць свой акаўнт — @BelarusMZS замест @BelarusMID.
