Прадстаўнікі руху падалі ў Вярхоўны суд скаргу на Міністэрства юстыцыі. У арганізацыі лічаць вынесенае папярэджаньне незаконным.
У адпаведным паведамленьні пра гэта нагадваецца, што папярэджаньне было вынесенае за тое, што неназваны прадстаўнік Руху, паводле дадзеных Міністэрства юстыцыі, быў арганізатарам акцыі 25 сакавіка і заклікаў да ўдзелу ў ёй да атрыманьня афіцыйнага дазволу правядзеньне акцыі.
«Міністэрства юстыцыі ня толькі не патлумачыла, якім чынам дзеяньні аднаго з заяўнікаў прывялі да парушэньня заканадаўства нашай арганізацыяй, але і не назвала імя гэтага чалавека і СМІ, зь якога яны даведаліся пра заклікі да ўдзелу ў недазволенай акцыі. Менавіта таму мы лічым папярэджаньне, вынесенае Руху „За Свабоду“ — незаконным», — адзначыў старшыня Руху «За Свабоду» Юрась Губарэвіч.