Прэзыдэнт ЗША Дональд Трамп даў ясна зразумець, што ён чакае ад Расеі вяртаньня Крыму Ўкраіне, заявіў у аўторак прэсавы сакратар Белага Дому Шон Спайсэр.
«Прэзыдэнт Трамп вельмі ясна выказаўся, што ён чакае, што расейскі ўрад правядзе дэ-эскаляцыю гвалту ва Ўкраіне і верне Крым, — цытуе словы Спайсэра на традыцыйным штодзённым брыфінгу агенцтва Ройтэрс. — «У той жа час ён цалкам разьлічвае і хоча мець добрыя адносіны з Расеяй».
Расея анэксавала Крым на пачатку 2014 году.
