Лінкі ўнівэрсальнага доступу

У Дашкевічаў правялі дома ператрус: зьніклі грошы і кот


Пакуль жонкі лідэра Маладога Фронту, Насты Дашкевіч, не было дома, у іх дома прайшоў ператрус.

«Адзінае, чаго я баялася, гэта начнога ператрусу з маленькімі дзеткамі на руках. Як яны будуць рэагаваць, як іх супакойваць і г. д. Але супрацоўнікі карных ворганаў паклапаціліся пра гэта: ператрус адбыўся без маёй прысутнасьці. Што тут шукалі і што знайшлі застанецца загадкай» — напісала Наста Дашкевіч у сваім Фэйсбуку.

Пасьля таго, як Наста Дашкевіч зь дзецьмі вярнулася дадому, нягледзячы на тое, што дзьверы былі зачыненыя на ключ, Наста заўважыла ў кватэры перамены.

«Я прыйшла дахаты, адкрыла дзьверы сваім ключом, зайшла ў кватэру, мяне зьдзівіла, што дзьверы адчыненыя, стаяць крэслы ў пакоі (відаць, панятыя сядзелі). Рэчы дасталі, Зьмітра адзеньне — камуфляж, дакумэнты наверсе. Няма татальнага вэрхалу, але бачна, што шукалі нешта».

Паколькі двое малых дзяцей сьпяць, Наста Дашкевіч яшчэ ня можа выявіць, што зьнікла а што не, але праз параду ў сацыяльных сетках спраўдзіла, ці на месцы грошы:

«Там было мо даляраў 300-400 у двух капэртах: адпачынак і рэзэрвовыя» — кажа Наста Дашкевіч. — Усё прапала, шкада. Можа для кагосьці гэта не вялікая сума, але я адна засталася з двума дзецьмі і забіраць грошы, гэта так...".

Акрамя таго, зьнік кот Леапольд, што хутчэй за ўсё стане назаўтра непрыемнай навіною для дзяцей, кажа Наста.

Глядзець камэнтары (10)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG