Лінкі ўнівэрсальнага доступу

Бюджэт Трампа ўключае рэзкі рост ваенных выдаткаў — крыніцы


Адміністрацыя ЗША 27 лютага разашле бюджэтныя прапановы, якія прадугледжваюць абяцанае павелічэньне прэзыдэнтам Дональдам Трампам выдаткаў на абарону. Пра гэта паведамляе Reuters і Associated Press са спасылкай на афіцыйных асобаў, знаёмых з пытаньнем.

У паведамленьнях адзначаецца скарачэньне бюджэту Дзяржаўнага дэпартамэнта, Агенцтва па ахове навакольнага асяродзьдзя і іншых ведамстваў, зьвязаных зь неваеннымі мэтамі за кошт якіх павялічацца ваенныя выдаткі.

Reuters працытаваў аднаго з чыноўнікаў, які заявіў, што прапанаваны бюджэт уключае ў сябе павелічэньне абʼёму фінансаваньня для будаўніцтва ваенных караблёў і самалётаў, каб, як ён выказаўся, усталяваць «больш магутную прысутнасьць на ключавых міжнародных водных шляхах і ў вузкіх месцах».

Бюджэт Дзяржаўнага дэпартамэнту можа быць скарочаны на 30 адсоткаў, што прывяло б да значнай рэарганізацыі дыпляматычнага ведамства і ліквідацыі некалькіх праграм, сказаў адзін з чыноўнікаў.

У сваёй прамове 24 лютага, Трамп паабяцаў дамагчыся фінансаваньня для «аднаго з найбуйнейшых ваенных будаўніцтваў у амэрыканскай гісторыі».

Канкрэтнае павелічэньне гадавога абароннага бюджэту, які складае 600 мільярдаў даляраў, не было раскрытае.

Ігар Лосік Кацярына Андрэева Ірына Слаўнікава Марына Золатава Ягор Марціновіч

Самае папулярнае

XS
SM
MD
LG