Лінкі ўнівэрсальнага доступу

Ужо сёньня: гадавіна спыненьня Слуцкага паўстаньня


Падзеі 28 сьнежня ў беларускай і ўсясьветнай гісторыі, а таксама афіша на сёньня.

Дата дня

28 сьнежня 1920 году скончыліся баявыя дзеяньні Слуцкага антыбальшавіцкага паўстаньня, якое доўжылася адзін месяц. Да канца 1920 году да 1500 беларускіх жаўнераў і афіцэраў перайшлі польска-савецкую мяжу, дзе былі раззброеныя польскімі ўладамі.

А што вы ведаеце пра гэтую старонку беларускае гісторыі? Праверце свае веды ў тэсьце Свабоды.

Таксама ў гэты дзень

1895 — нямецкі фізык-экспэрымэнтатар Вільгельм Конрад Рэнтген абвясьціў пра адкрыцьцё выпраменьваньня, за што пазьней стаў першым ляўрэатам Нобэлеўскай прэміі ў фізыцы.

1908 — у Вільні заснаваная друкарня таварыства «Наша хата», што выдавала беларускія падручнікі і дзіцячыя кніжкі.

1913 — у віленскай друкарні Марціна Кухты выйшла першая і адзіная прыжыцьцёвая кніга Максіма Багдановіча «Вянок».

1991 — Беларусь завязала дыпляматычныя дачыненьні з ЗША.

2011 — заснаваная літаратурная прэмія імя Ежы Гедройця.

У гэты дзень нарадзіліся

1856 — Томас Ўудра Ўілсан, 28-ы прэзыдэнт ЗША.

1910 — Іван Шаціла, народны артыст Беларусі.

1961 — Мікола Папека, беларускі паэт, пчаляр.

1969 — Лінус Торвальдс, фінскі праграміст, заснавальнік апэрацыйнай сыстэмы Linux.

У памяці

1925 — памёр расейскі паэт Сяргей Ясенін.

1984 — памёр беларускі пісьменьнік і мовазнаўца Мiкола Лобан.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG