Лінкі ўнівэрсальнага доступу

ЗША паведамілі пра гібель арганізатара нападаў на Charlie Hebdo


Амэрыканскія вайскоўцы паведамілі пра гібель аднаго зь лідэраў «Ісламскай дзяржавы». Бубакер аль-Хакім быў забіты ўдарам зь бесьпілётніка 26 лістапада ў сырыйскім горадзе Рака, вядомым як камандны цэнтар ісламістаў.

Аль-Хакім — француз туніскага паходжаньня — быў адным з арганізатараў нападу на рэдакцыю сатырычнага часопіса Charlie Hebdo ў студзені 2015 году. Ён далучыўся да радыкальных плыняў пасьля пачатку ваеннай апэрацыі ЗША ў Іраку ў 2003 годзе. У 2008 годзе суд у Францыі прысудзіў Аль-Хакіму сем гадоў турмы за вярбоўку мусульман у Парыжы для ўчыненьня тэрактаў.

7 студзеня 2015 году ў Парыжы двое ўзброеных людзей распачалі страляніну ў рэдакцыі Charlie Hebdo, загінулі 12 чалавек. Ісламісты, якія ўчынілі напад, заявілі, што гэта была помста за карыкатуры на прарока Мухамада.

Вам можа яшчэ спадабацца

XS
SM
MD
LG