Лінкі ўнівэрсальнага доступу

У Паўднёвай Карэі дзясяткі тысяч чалавек патрабуюць адстаўкі прэзыдэнта


Прэзыдэнтка Паўднёвай Карэі Пак Кын Хэ.

У Паўднёвай Карэі ў суботу дзесяткі тысяч чалавек выйшлі на дэманстрацыю з патрабаваньнем адстаўкі прэзыдэнткі Пак Кын Хэ праз карупцыйны скандал.

Паводле ацэнак паліцыі, у дэманстрацыі ўдзельнічаюць 43 тысячы чалавек. Арганізатары паведамляюць пра 100 тысяч маніфэстантаў, перадае тэлеканал Euronews.

Рэйтынг прэзыдэнткі Паўднёвай Карэі абрынуўся пасьля паведамленьняў мясцовых СМІ аб ўмяшаньні ў дзяржаўныя справы сяброўкі кіраўніцы дзяржавы Чхвэ Сун Сіль. Паведамляецца, што яна змушала паўднёвакарэйскія карпарацыі ахвяраваць мільёны даляраў падкантрольным ёй фондам. На мінулым тыдні жанчыну арыштавалі і абвінавацілі ў злоўжываньні ўладай.

Прэзыдэнтка Пак Кын Хэ выбачылася за тое, што адбылося і зрабіла перастаноўкі ў кіраўніцтве Паўднёвай Карэі. Яе паўнамоцтвы на пасадзе кіраўніцы дзяржавы заканчваюцца больш чым праз два гады. Экспэрты адзначаюць, што верагоднасьць адстаўкі Пак Кын Хэ невялікая.

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG