Агенцтва Reuters са спасылкай на крыніцу ў праваахоўных органах паведаміла, што выбух меркавана адбыўся ў кантэйнэры для сьмецьця побач са шматкватэрным будынкам у Чэлсі — фэшэнэбэльным раёне Нью-Ёрку.
У раёне 23-й вуліцы і 6-ай авэню быў спынены рух транспарту, паліцыя зьвярнулася да кіроўцаў з просьбай абраць іншы маршрут.
На працягу гадзіны зь лішнім паліцыянты аглядалі прыпаркаваныя вакол зламанага сьмецьцевага кантэйнэра аўтамабілі, спрабуючы вызначыць прычыну выбуху і пераканацца ў тым, што небясьпека мінула.
Карэспандэнт «Голасу Амэрыкі» Іша Сарай, якая апынулася непадалёк, паведаміла, што гаворка ішла пра адзіночны выбух — відавочцы таксама распавялі, што выбуховай хваляй у непасрэднай блізкасьці ад месца здарэньня былі выбітыя вокны.
На сваёй старонцы ў Твітэры кіраўнік антытэрарыстычнага падразьдзяленьня паліцыі Нью-Ёрку Джэймс Ўотэрс заклікаў грамадзян праяўляць пільнасьць. Паліцыя і прадстаўнікі ФБР працягваюць расьсьледаваньне.
